Главная » 2013 » Май » 6 » 1 улуустаа5ы «Алексеевскай аа5ыылар»
15:24
1 улуустаа5ы «Алексеевскай аа5ыылар»

Д.Ф. Алексеев аатын сугэр 1 Хомустаах орто оскуолатыгар муус устар 20 күнүгэр СР тыатын хаһаайыстыбатын Үтүөлээх үлэһитэ, «Бочуот знага» орден кавалера, РФ норуотун үөрэђириитин туйгуна, Саха АССР народнай депутата, «Нам» совхоз директора, Нам улууһун, Таастаах нэһилиэгин бочуоттаах гражданина, улууспут бастакы баһылыга Алексеев Дмитрий Федотович аатын үйэтитэр сыаллаах, СР Тыа сирин сылыгар аналлаах бастакы улуустаађы  «Алексеевскай  аа5ыылар» буоллулар. Бу саңа тэрээһини кыттыьан ыыттылар: СР Тыатын хаһаайыстыбатын научнай- чинчийэр института, Нам улууһун тыатын хаһаайыстыбатын управлениета, М «Хомустаах 1-кы нэһилиэгэ» МТ, Д.Ф. Алексеев аатынан 1 Хомустаах орто оскуолата.


Конференция аһыллыытыгар оскуола директора У.П. Атласова э5эрдэ тыл этэригэр,   нэьилиэкпит, улууспут сайдар кэскиллэрин салайсыбыт, о5о аймах, ыччат дэгиттэр буола уунэр усулуобуйатын ис сурэ5иттэн кыьанан туран тэрийсибит утуокэннээх салайааччы, биир дойдулаахпыт Д.Ф.Алексеев туьунан истин-иьирэх тылларынан а5ынна. Д.Ф. Алексеев кэргэнэ, ветеран учуутал, РСФСР үөрэђириитин туйгуна, СР Учууталларын учууталлара Г. Г. Алексеева "Алексеевскай аа5ыылар» аан бастаан  ыытыллалларын махтанан, долгуйан туран бэлиэтээтэ, о5олорго ситиһиилэри ба5арда. Улуус оскуолаларыттан 74 үөрэнээччи 6 секцияларга арахсан чиничийэр үлэлэрин көмүскээтилэр.  Нам 1,2 №-дээх, улуустаа5ы гимназия, Модут агрооскуола, Үөдэй, Таастаах,1 Хомустаах оскуолаларын үөрэнээччилэрэ кыттыыны ыллылар. Конференция үлэтигэр Дмитрий Федотович үөлээннээхтэрэ: СР Тыатын хаһаайыстыбатын научнай-чинчийэр институтуттан ветеринарнай наукалар  доктордара М.П. Неустроев, Региональнай экономика институтуттан экономическай наукалара доктордара В.Р.Дарбасов, Доруобуйа институтуттан тыа хаһаайыстыбатын наукаларын доктордара К.М. Степанов, Биологическай проблемалары, криолитозонаны чинчийэр институттан т/х наукаларын кандидата А.П. Аржакова, Тыа хаһаайыстыбатын академиятыттан т/х наукаларын кандидата В.В. Сысолятина,  Нам улууһун тыатын хаһаайыстыбатын управлениетын кылаабынай специалистара: т/х наукаларын кандидата Е.Н.Ильина, А.П.Протопопов, Нам улууһун историко-этнографическай музейын дириэктэрэ А.И. Копырин Экспиэртэр сэбиэттэригэр улэлээн, о5олор үлэлэрин иһиттилэр, сыаналаах сүбэлэри биэрдилэр, итэ5эстэри ыйдылар. Дакылааччыттар тыа хаһаайыстыбатын араас салааларыгар чинчийиилэрин сырдаттылар, историяны үөрэппиттэрин ырыттылар, саңа технологиялары туһаныыга рационализаторскай оңоһуктарын билиһиннэрдилэр.

Конференция   кыайыылаахтара Алексеевтар дьиэ кэргэн олохтообут анал мэтээллэринэн уонна «Сосновый бор» сынньанар-чэбдигирдэр Киин (директор Иванова Я.Н.) анаабыт ыам ыйын 15-24 куннэригэр «Виртуальный Лондон» смена5а сынньанар путевкаларынан на5араадаланнылар. Манна истин махталбытын тиэрдэбит бу Киин директорын солбуйааччытыгар, оскуолабыт попечителигэр Н.В. Аммосова5а. Конференция кэрэхсэбиллээх түгэнинэн нэһилиэк олохтоохторо, урукку кэмңэ «Нам» совхозка үлэлээбит производство маяктара, сэрии, тыыл, үлэ ветераннарын ааттарынан о5олоро, сиэннэрэ анал бириистэри олохтообуттара буолар. Орденнаах ыанньыксыт М.А. Абрамова аатынан бирииһи Гуляева Ньургуйаана (10 кыл.Модут), рационализатор - механик Н.Ф. Сысолятин аатынан бирииһи Олесов Дима (8 кыл. 1Хомустаах), кадровай чемпион булчут Н.Д. Казанов аатынан бирииһи Аммосов Саша (6 кыл. Таастаах), нэһилиэк администрациятын бирииһин Кривошапкина Мария (11 кыл. Модут) туттулар. А.Т.Аргунов, В.И.Казанов, З.Е.Ощепкова, М.П.Шарапова, А5а дойду Улуу сэриитин ветерана В.С Кривошапкин, Е.П.Протопопова,А.М.Оконешникова,А.М.Жирков,Г.Ф.Жирков,Д.Р.Шестакова,М.И.Новгородова,

А.С. Атласова,А.Д.Дьячковская, М.Н.Константинова  уо. д. а ааттарынан анал бириистэри о5олор тутан үөрүүлэрэ үксээтэ. Барыта 30-ча анал бириис олохтонон, ону таьынан нэьилиэк угус тэрилтэлэрэ кыттыьан, конференция кыайыылаахтарыгар  олус элбэх бэртээхэй на5араадалар туттарылыннылар.

Конференция сыралаах, таһаарыылаах үлэтэ үрдүк таһымңа ааста. Үүнэр көлүөнэ5э төрөөбүт дойдуга тапталы, бэриниилээх буолууну, үлэ5э уонна үлэһит дьоңңо ытыктабыллаах сыһыаны иитэр, тыа хаһаайыстыбатын эйгэтигэр интэриэһи үөскэтэр олук уурулунна.

Инникитин «Алексеевскай аа5ыылар» үтүө үгэскэ кубулуйан, элбэх кыттааччыны сыһыаран үрдүктэн үрдүк  таһымңа  о5олору кө5үлүү туралларыгар ба5арабыт .

 

 

Суруйдулар: Павлова Д.А., Винокурова С.Н., оскуола учууталлара.

 
Просмотров: 551 | Добавил: homus | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]