Главная » 2018 » Ноябрь » 14 » Оскуола күнэ
19:26
Оскуола күнэ

          Сэтинньи 13 күнэ - үгэс буолбут Оскуолабыт күнэ. Бу күн Дмитрий Федотович Алексеев төрөөбүт күнэ, кини аата оскуолаҕа иҥэриллиэҕиттэн үөрүүлээх быһыыга-майгыга Оскуола күнэ ыытыллар. 

  

            Сарсыарда тэрээһин торжественнай линейкаттан саҕаланна. Эбиэккэ дылы уруоктар оннуларыгар үөрэнээччилэргэ анаан кылаастарга билиини-көрүүнү хаҥатар станциялар үлэлээтилэр, оҕолор бу станцияларга 15-тии мүнүүтэ киирэн, арааһынай оонньууларга кытыннылар. 14.00 чаастан тэрээһин үөрүүлээх чааһа буолла. Д.Ф. Алексеев олоҕун аргыһа Галина Георгиевна сэтинньи 13 күнүгэр Республикабыт бастакы Президенэ М.Е. Николаев эмиэ төрөөбүт күнэ буоларын, уонна бу икки киһи эдэр саастарыттан доҕордоһууларын туһунан кэпсээбитин оҕолор сэргээн иһиттилэр. Тэрээһин иккис чааһыгар "Бриллиантовые нотки" фестиваль лауреаттарыгар, дипломаннарыгар, оскуола иһинээҕи предметнэй олимпиадалар призердарыгар, "Я - все умею" конкурс кыайыылаахтарыгар наҕараадалары оскуола салалтата, учууталлар туттардылар. Оҕолор күүстэринэн концерт туруорулунна, онно "Мичээр", "Күнчээн" үнкүү ансамблара, 4а кылаас вокальнай ансамбла, хоһоонньут уолаттар кытыннылар. 

Просмотров: 16 | Добавил: galina | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]