Главная » 2013 » Ноябрь » 18 » Оскуола күнэ
13:19
Оскуола күнэ

              

          Сэтинньи 13 күнүгэр биһиги оскуолабытыгар "Оскуола күнэ” буолла. Оскуолабыт биһиэнэ  "Бочуот  Знага”  уордьан  кавалера, "РФ норуотун үөрэҕириитин  туйгуна”, " СР  норуотун  хаһаайыстыбатын  үтүөлээх  үлэһитэ”, Нам  улууһун бочуоттаах  гражданина, 1 Хомустаах,  Таастаах  нэһилиэктэрин бочуоттаах  олохтооҕо, Нам  улууһун   бастакы  баһылыга  Дмитрий Федотович  Алексеев  аатын  сүгэр. Бу  күн Д.Ф. Алексеев  төрөөбүт  күнэ, ол иһин  сэтиннь 13 күнэ  - оскуола  күнүнэн  биллэрилиннэ, оскуолабытыгар

саҥа  сырдык үтүө  үгэс   арылынна, олохтонно.


  

 

"Оскуола  күнүн” бэлиэтии биһиги киэн туттар  кырдьаҕас  бэтэрээн  учууталларбыт,  урукку  кэмҥэ "Нам” совхозка  Дмитрий  Федотовиһы  кытта  алтыһан  үлэлээбит  үөлээннээхтэрэ, үлэ  бэтэрээннэрэ  кэлэн  ыалдьыттаатылар, торжественнай  линейка  буолла. Оскуола  актовай  саалатыгар Д.Ф. Алексеев  туһунан  киинэ  көрдүбүт. Кини  туһунан  истиҥ  ахтыылары  кэлбит  ыалдьыттарбыт  кэпсээтилэр,  бэтэрээн  учуутал Г.Г. Алексеева (Д.Ф. Алексеев  кэргэнэ)  долгуйан туран  оскуолаҕа махталын  биллэрдэ уонна  биһиги  нэһилиэкпититтэн  4 улуус  баһылыктара  үүнэн  тахсыбыттарын  бэлиэтээтэ: Д.Ф. Алексеев, А.Н. Ядреев, Д.П. Корякин уонна А.П. Атласов.  Галина Георгиевна биһиэхэ, үөрэнээччилэргэ,  эрэлин  эттэ, кинилэр  курдук  буола  үүнэрбитигэр  баҕарда. Онтон  күндү  ыалдьыттарбыт  кылаас  чаастарга  кыттыыны ыллылар.

Биһиэхэ 10  кылааска  Д.Ф. Алексеев  олоҕун аргыһа Галина Георгьевна хаартыскалары, Дмитрий Федотович  оскуолаҕа үөрэммит  таабылын, университетка  үөрэнэн ылбыт "Кыһыл  димпломун” көрдөрө – көрдөрө     сүрдээх  интэриэһинэйдик кэпсээтэ уонна  бүтэһигэр  уолаттарга  анаан  ыллаабыта.. Биһиги  онтон  бэрт  элбэҕи, үгүһү  биллибит, көрдүбүт. 

 Онон "Оскуола  күнэ” бэрт  сэргэхтик, сонуннук  ааста.

 

 

 

Суруйдулар Васильева Сардаана, Терентьева Намыына

10 кылаас үөрэнээччилэрэ.”Чолбон” коррпост чилиэннэрэ

Просмотров: 455 | Добавил: homus | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]