Главная » 2018 » Сентябрь » 14 » Күһүҥҥү тэрээһиннэр
14:51
Күһүҥҥү тэрээһиннэр

          Үрдүкү кылаас уолаттарыгар аналлаах "Полигон-2018" тэрээһиннэ оскуола коллективын эр дьоно уонна улахан кылаас уолаттара айылҕаҕа сарсыарда 7 чаастан хомуллан барбыттара. Сиргэ тиийэн араас спортивнай-боенизированнай курэхтэргэ кылааһынан кытыннылар, бары быраабыланы тутуһан уот оттон, полевой кухняҕа астарын астаннылар, ордубут бириэмэлэригэр оонньоотулар, уоттарын умулуннаран, сирдэрин бөхтөн-сыыстан ыраастаан, киэһэ хойутуу дьиэлэригэр астынан тарҕастылар.    

          Үөрэнээччилэр саас оскуола таһынааҕы бааһынаҕа олордубут хортуоппуйдарын үүнүүтүн балаҕан ыйын 13 күнүгэр хостоотулар. Барыта бу үлэҕэ 129 оҕо кытынна, кылааска 6-7 кирээдэ тигистэ. Хортуоппуй үүнүүтэ быйыл өлгөм буолла, 26 куул хортуоппуй хомулунна. 

          Үгэс буолбут Доруобуйа кунугэр 5-11 кылаас үөрэнээччилэрэ "Баҕа айаҕар" тиийэн бу күнү көдьүүстээхтик уонна сэргэхтик атаардылар. Линейкаҕа оҕолорго тэрээһин туһунан билиһиннэрдилэр, сыалларын-соруктарын быһаардылар. "Брусничка" операцияҕа үөрэнээччилэр үөрэх дьылын устата иһэр морстарыгар 83,2 кг уулаах отон хомуйдулар, хайа кылаас элбэх отону хомуйарыгар курэхтэһиилээх буолла, түмүккэ орто кылаастарга 7 кылаас бастаата, үрдүкүлэргэ - 10. Сынньалаҥ кэмҥэ "Саамай, саамай" күрэх ыытылынна,  кыайыылаахтарынан буоллулар - "Саамай үрдүк уҥуохтаах" кылаас 10, "Саамай өйдөөх" кылаас - 5, "Саамай кытаанах бицепс" - Охлопков Сережа. Оҕолор "Көрдөөх стартар" күрэххэ сүүрдүлэр-көттүлэр, түмүгэр Доҕордоһуу кыайда. Оскуола остолобуойа оҕолору итии аһылыгынан хааччыйда. Күн-дьыл сылаас туран, уерэнээччилэр, учууталлар бары астына сырыттылар, айылҕаҕа дуоһуйа сынньаннылар. 

             Балаҕан ыйын 15 күнүгэр Нам улууһугар "Единый день школьников" үгэс буолбут тэрээһин Хатыҥ-Арыы орто оскуолатыгар ыытылынна. Биһиги оскуолабытыттан 11 кылаас үөрэнээччилэрэ кыттыыны ыллылар. Эҕэрдэ тылы эттилэр  Нам улууһа МТ Баһылыга Ю.И. Слепцов, улуус үөрэҕин управлениетын начальнига О.Г. Готовцева. Үөрэхтэригэр ситиһиилээх, оскуола, нэһилиэк олоҕор көхтөөхтүк кыттар  оҕолору нэһилиэк Баһылыктара, оскуолалар салалталара эҕэрдэлээтилэр уонна сэмэй бэлэхтэри туттардылар. 

               Нам улууһугар пожарнай охрана төрүттэммитэ 60 сылыгар аналлаах "Эдэр баһаарынньык" улуустааҕы күрэх балаҕан ыйын 15 күнүгэр Хатыҥ Арыы нэһилиэгин Туллук диэн сиригэр ыытылынна. Барыта 60 оҕо (9-11 кылаастар), 6 ОБЖ учуутала уонна 6 нэьилиэк баһаарынай чаастарын үлэһиттэрэ кытыннылар. Күрэх 5 этаптаах - команданы билиһиннэрии, истиэнэ хаһыатын таһаарыы, бириэмэҕэ таҥныы, дьону быыһыыр быаны иилии, комбинированнай эстафета. Боевой таҥаьы таҥныыга Колмогорова Милена уонна Захаров Герман 3-с миэстэни ыллылар, быаны иилиигэ Оконешникова Анита 3 миэстэ буолла, эстафетаҕа биһиги оскуолабыт командата 2 миэстэ тигистэ. Уопсай түмүккэ оскуолабыт командата (учуутал Васильев И.И.) 2-с миэстэни ылары ситистэ.

 

Просмотров: 23 | Добавил: galina | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]