Главная » 2018 » Сентябрь » 14 » Билии күнэ
14:15
Билии күнэ

           Балаҕан ыйын 1 күнэ - Билии күнэ уонна бастакы чуораан тэрээһинэ күн-дьыл туругуттан оскуола спортивнай саалатыгар ыытылынна.  Билии күнүнэн уонна үөрэх дьыла саҕаламмытынан оскуола үлэһиттэрин, үөрэнээччилэри, төрөппүттэри директор Атласова У.П., СӨ тыатын хаһаайыстыбатын министрин э.т. Атласов А.П., нэһилиэк Аҕа баһылыга Жирков В.Г., улуус дьаһалтатыттан социальнай харалта управление специалиһа Баишева А.М., үөрэх управлениетыттан Шелковникова Н.В., ветеран учуутал Николаева Г.М. эҕэрдэлээтилэр, үтүө баҕа санааларын тиэртилэр.

          Бастакы кылааска быйыл 18 оҕо киирдэ, кылаас салайааччытынан Винокурова Саргылана Николаевна ананна. Олохтоох нэһилиэк дьаһалтата саҥа үөрэнэ киирбит кырачааннарга үөрэх тэриллэрин наборун бэлэхтээтэ. Үөрэх дьылын бастакы чуораанын маҥнайгы кылаастан Рязанская Амелия уонна 11 кылаас үөрэнээччитэ Соловьев Денис тыаһаттылар. Билии күнүн тэрээһинин үөрэнээччилэр араас музыкальнай нүөмэрдэринэн киэргэттилэр, үөрэтэр учууталларыгар, ветеран учууталларга, ыалдьыттарга сибэкки дьөрбөтүн туттардылар. Үөрэх бастакы күнүгэр кылаастарынан Россия күнүгэр аналлаах кылаас чаастарыгар ветеран учууталлары кытта көрсүһуулэр ыытылыннылар.

Просмотров: 21 | Добавил: galina | Рейтинг: 0.0/0
Всего комментариев: 0
Добавлять комментарии могут только зарегистрированные пользователи.
[ Регистрация | Вход ]